Kæru foreldrar/forráðamenn
Bolludagur er næstkomandi mánudag 15. febrúar og þá verða allskyns bollur á boðstólum, hollar og matarmiklar í hádeginu og sætar og saðsamar í kaffitíma.
Sprengidagur er þriðjudag 16. febrúar og þá borðum við saltkjöt og baunasúpu eins og hver getur í sig látið.
Öskudagur er miðvikudag 17. febrúar. Bö rnunum er velkomið að koma í öskudagsbúningum, furðufötum og eða náttfötum eða bara eins og þeim sjálfum hentar - slegið verður upp öskudagsballi þar sem við ætlum að slá „köttinn“ úr tunnunni og dagurinn verður undirlagður af gleðskap og fjöri. Laut og Lundur verða í sal klukkan 09:30 og Kot og Hlíð verða í sal klukkan 10:00.
Vinsamlegast athugið að það verður útivera eftir hádegi.
Hugmyndir á farsóttartímum
Almannavarnir í samvinnu við Embætti landlæknis og Heimili og skóla hafa tekið saman leiðbeiningar varðandi öskudaginn sem allir viðeigandi aðilar eru vinsamlega beðnir um að taka til sín og taka virkan þátt í því verkefni að halda góðan og gleðilegan en öðruvísi Öskudag á farsóttartímum.
https://www.covid.is/flokkar/odruvisi-oskudagur
Gerum okkur dagamun í nærumhverfinu
Höldum upp á daginn á heimavelli, í skólanum, frístundaheimilinu eða félagsmiðstöðinni
Mætum í búningum
Brjótum upp á hversdagsleikann með því að mæta öll í búningum. Ungir sem aldnir.
Bestu kveðjur
Starfsfólk Holts
