Karellen

Svefn og hvíld í leikskóla

Hvíld hefst að loknum hádegismat, yngri börnin leggja sig og sofna á meðan þau eldri fara í rólega samverustund, njóta lestur og hvíla sig.

Hvíldin er strax eftir hádegisverðinn og er það breytilegt eftir deildum hvað hún varir lengi. Á eldri deildunum er hún búin um kl 13 en á yngri deildunum fer það eftir hvað börnin mega sofa lengi.

Hádegissvefn yngri barna er mjög mikilvægur svo barnið fái góðan nætursvefn. Það að minnka lúrinn í kringum hádegið getur valdið svefnvanda lítilla barna og hann er fljótur að vinda upp á sig. Hádegislúr er líka kærkomin hvíld frá áreiti og hávaða í leikskólaumhverfinu.

Góð viðmiðunarregla til að meta hvort barn fái nægan svefn er að kanna hversu auðvelt það á með að vakna þegar það er vakið.

Ekki skal vanmeta svefnþörf barna og þau hafa oftar meiri þörf fyrir svefn en þau fá. Hádegislúrinn er náttúruleg þörf og hluti af svefnþörf barns á sólarhring

Þar sem þetta er róleg stund biðjum við foreldra/forráðamenn vinsamlegast um að láta vita ef sækja á barn á meðan á hvíldartíma stendur.

Svefnþörf barna :

6 -12 mánaða börn 14 -15 klukkutímar

1 -3 ára börn 12 -14 klukkutímar

3 -6 ára börn 10 -12 klukkutímar

Á vef landlæknis má finna gagnlegar upplýsingar um heilsu og líðan leikskólabarna. Sem og mikilvægi svefns og myndband sem skýrir þetta vel:

Mikilvægi svefns










© 2016 - 2022 Karellen